Аксы районунун акими Максатбек Саргазаковдун айыл аймактарды кыдырып эл менен жолугушуулары уланууда

Бүгүн, 2026-жылдын 29-январь күнү Аксы районунун мамлекеттик администрация башчысы-аким Максатбек Саргазаков Ак-Жол жана Кара-Камыш айыл аймактарынын тургундары менен жолугушту.

Жолугушуунун алкагында төмөнкү маселелер талкууланды:

Айылдардагы инфратүзүмдү жакшыртуу (жол, таза суу, жарыктандыруу, жайыт, туризм, ж.б.);

Социалдык объекттердин абалы жана курулушу;

Айыл чарбасы жана сугат суу көйгөйлөрү;

Жергиликтүү тургундардын жеке суроо-талаптары.

Аким ар бир суроого кеңири токтолуп, жеринде чечилүүчү маселелер боюнча тиешелүү кызматтарга тапшырмаларды берди. Ал эми убакытты талап кылган көйгөйлөр көзөмөлгө алынып, планга киргизилмей болду.

Эл менен түз диалог түзүү — аймакты өнүктүрүүнүн башкы кадамы!